ਵਾਹਿਗੁਰੂ ਜੀ ਕਾ ਖਾਲਸਾ ,ਵਾਹਿਗੁਰੂ ਜੀ ਕੀ ਫਤਹਿ ਜੀਓ...

ਅੱਜ ਦੇ ਰੱਬ ਦਾ ਕੋਈ ਰਕੀਬ ਜਾਪਦਾ

ਉਹ ਮੈਨੂੰ ਆਪਣੇ ਏਨਾ ਕਰੀਬ ਜਾਪਦਾ
ਉਹਦੇ ਬਾਰੇ ਨਾ ਸੋਚਣਾ ਬੜਾ ਅਜੀਬ ਜਾਪਦਾ,

ਕਰ ਰਿਹਾ ਦੁਆਵਾਂ ਲੁੱਟਣ ਵਾਲੇ ਲਈ ਵੀ
ਇਹ ਤਾਂ ਕੋਈ ਸੱਚਾ ਫਕੀਰ ਜਾਪਦਾ,

ਏਸ ਮੁਖੌਟੇ ਹੇਠਾਂ ਸ਼ੈਤਾਨ ਹੈ ਲੁਕਿਆ
ਬਾਹਰੋਂ ਹਾਕਮ ਬੜਾ ਸ਼ਰੀਫ ਜਾਪਦਾ,

ਨਾ ਖੁਸ਼ੀ ਮੁਹੱਬਤ ਦੀ ਨਾ ਗਮ ਵਿਛੋੜੇ ਦਾ
ਖਾਲੀ ਦਿਲ ਸਾਡਾ ਬੜਾ ਗਰੀਬ ਜਾਪਦਾ,

ਰੋਕ ਰਿਹਾ ਪੱਥਰਾਂ ਨੂੰ ਸਿਜਦੇ ਕਰਨੇ ਤੋਂ
ਅੱਜ ਦੇ ਰੱਬ ਦਾ ਕੋਈ ਰਕੀਬ ਜਾਪਦਾ,........